People’s News : नेपालको भविष्य आज निर्णायक मोडमा छ । यो मोडमा सबैभन्दा ठूलो जिम्मेवारी युवाको काँधमा छ । तर दुःखको कुरा युवा आज सपनाको खोजीमा विदेश पलायन भइरहेको छ, देश भने साम्राज्यवादी शक्तिहरूको खेलमैदान बन्दै गइरहेको छ । अमेरिकी साम्राज्यवाद विकास र अवसरको आवरण ओढेर नेपालभित्र पस्दैछ । उसका एजेन्डा संसदभन्दा बाहिर तयार हुन्छन्, नीति जनताले होइन—दूतावासले निर्देशित गर्छ । यस्तो अवस्थामा चुप बस्नु भनेको राष्ट्रघातलाई मौन समर्थन गर्नु हो ।
युवाहरूलाई जानाजानी भ्रममा राखिँदैछ ।
राजनीति फोहोर हो” भनेर टाढा राखियो ।।
सिस्टम बदलिँदैन” भनेर निराश बनाइयो ।
र अन्ततः देश छोड्न बाध्य पारियो ।।
यो संयोग होइन यो योजनाबद्ध रणनीति हो ।
तर इतिहास साक्षी छ
जब युवाले आँखा खोलेका छन्,
साम्राज्यहरू ढलेका छन् ।
आज प्रश्न सीधा छ :
के हामी विदेशी शक्तिको एजेन्डा बोक्ने दलाल पुस्ता बन्छौँ ?
कि स्वाधीन नेपालका सचेत र विद्रोही उत्तराधिकारी ?
युवा हो, सम्झ—
देश केवल भूगोल होइन, अधिकार र स्वाभिमान हो ।
विकास चाहिन्छ, तर आत्मसमर्पण होइन ।
सहयोग चाहिन्छ, तर शर्तसहितको गुलामी होइन ।
अब आह्वान स्पष्ट छ—
✊ विदेशी हस्तक्षेपविरुद्ध प्रश्न गर
✊ झुटो राष्ट्रवाद र बिकाउ नेतृत्व चिन
✊ सचेत बहस, लेखन र संगठनमार्फत आवाज उठाऊ
✊ राष्ट्रहितभन्दा माथि कोही छैन भन्ने सन्देश देऊ
यो बन्दुकको आह्वान होइन,
यो चेतनाको विद्रोह हो ।
यदि आज युवा उठेन भने,
भोलि नेपालले उठ्ने अधिकारसमेत गुमाउन सक्छ ।
युवा हो—इतिहास पढ्ने होइन, इतिहास बनाउने समय आएको छ।