पिपुल्स न्युज २७ साउन, काठमाडौं । आफू बलात्कृत भएको र न्याय नपाएको भन्दै आन्दोलन गरीरहेकी २० वर्षे युवती निहारीका राजपुतले आज राष्ट्रपति भवन अघि आत्महत्या गर्ने प्रयास गरेकी छन् ।
उनले आफ्नो शरीरमा पेट्रोल खन्याएर आगो लगाउने तयारी गर्दै गर्दा प्रहरीले उनलाई नियन्त्रणमा लिएको थियो ।
राजपुत आफ्नो बच्चाको डीएनए जाँच गरिनुपर्ने माग राख्दै अनसनसमेत बसेकी थिइन् ।
आफूमाथि जनकपुरका शिवराज श्रेष्ठले बलात्कार गरेर त्यसको तस्वीर र भिडियो पनि बनाएर ब्ल्याकमेल गरेको उनको भनाइ छ ।
उनी यस अघि पनि अनसन बसेकी थिईन् । तर सहमति अनुसार डिएनए परिक्षण नभए पछि उनी फेरी आन्दोलित बनेकी हुन् ।